BWISET!!!

Kamusta na mga damuho! Matagal-tagal din akong hindi nakapagtipa sa aking makinilya, nami-miss ko na, panay kasi pagsasarili ang inaabala ko e. Oh, wag kang mag-isip nang marumi damuho ka! Nag-iisa ako kasi bumalik ng bansa nya si Natasha, yung gerlpren ko para bumili ng tsokolate, ayaw nya raw ng mga tsokolate dito sa Pilipinas e, damuha yon, masyadong pihikan. Babalik daw sya bago mag-Pasko.

Ano ang pinagkakaabalahan mo ngayong wala kang pasok? Teka para sa mga nag-aaral itong tanong ko ha! Kung hindi ka nag-aaral at hindi ka naman nagtatrabaho aba e talagang wala ka ngang pasok! Ipasok mo na lang ang cotton buds sa tenga mo!

Wala lang, napag isip isip ko lang na may mga sitwasyon na mapapasigaw ka na lang ng "bwiset"!  Eto basahin mo para matuwa naman ang ilong mo:

MGA SITWASYON NA MAPAPASABI KA NA LANG NG "BWISET"

1. Gusto ka ng magulang, mga kamag anak, kaibigan pati aso ng nililigawan mo pero binasted ka nya, mukha ka raw kasing aso! Bwiset!

2. Tumama sa lotto ang numerong tinatayaan mo simula pa noong tinedyer ka pero hindi ka nakabili ng tiket. Bwiset!

3. Tumama ka sa lotto pero nabitawan mo yung tiket at nahulog sa kanal. Bwiset!

4. Pinakyaw lahat ng customer yung paninda mo sabay sabing "holdap to!". Bwiset!

5. Wala kang pasok, ang dami mong oras para matulog at gumala. Pero wala ka ring pera dahil wala kang baon o allowance. Bwiset!

O yan ngumit ka naman para mabawasan ang pagkabwiset mo.

Ilong mo may asin,

Lolo Barbers

P.S.
Syanga pala, kung hindi mo naman mamasamain, at gusto mo akong madalas na makaututang dila, ilagay mo lang ang iyong pangalan at ang iyong i-meyl adres sa bandang itaas ng blog na ito.

Kapag inilagay mo ang iyong email at napadadalhan na kita ng mensahe, mapapasa-iyo ang aking baul na naglalaman ng mga alamat na maaari mong i-download at pakinggan paulit-ulit sa iyong cellphone. May kasama rin itong ringtone na maaari mong magamit. Lahat ng ito ay LIBRE! Kaya ilagay mo na ang iyong pangalan at i-meyl adres.

Kung wala kang cellphone, hindi ko na problema yon damuho ka...